عمروم آنا ، گولوم آنا ، جان آنا

اُلوم فدا من سنه جيران آنا

اولدوز آنا ، گوزل آنا ، آي آنا

قاپونداكي نوكريوي ساي آنا

جانيم آنا ، گويچه آنا ، گول آنا

سن اوزومه لطف ائله بير گول آنا

قئزيل آنا ، طرلان آنا ، گون آنا

قوربان اولوم من سنه هر گون آنا

خير دعاسي آنا سن وئريرسن

بلا لردن مني جدا ائديرسن

اوركده يازمئشام گوزل آديوي

گوزلريم اوسته ساخلارام ياديوي

باهار آنا ، چيچك آنا ، عشق آنا

امير يازار دفترينه مشق آنا